alleluia laudate Dominum quoniam bonum est canticum Dei
nostri quoniam decorum est pulchra laudatio
aedificabit Hierusalem Dominus eiectos Israhel congregabit
qui sanat contritos corde et alligat plagas eorum
qui numerat multitudinem stellarum et omnes nomine suo
vocat
magnus Dominus noster et multus fortitudine prudentiae
eius non est numerus
suscipiens mansuetos Dominus humilians impios usque ad
terram
canite Domino in confessione canite Deo nostro in cithara
qui operit caelos nubibus et praebet terrae pluviam et
oriri facit in montibus germen
qui dat iumentis panem suum filiis corvi clamantibus
non est in fortitudine equi voluntas eius neque in tibiis
viri placetur ei
placetur Domino in his qui timent eum et expectant
misericordiam eius
